SHBA- Ditën e sotme pritet që dy të dënuarit për përdhunimin dhe vrasjen e studentes greke Eleni Topaloudi, një 24-vjeçar grek dhe shqiptari, 23-vjeçar, të dalin para trupës gjykuese për të shprehur pendesë dhe për të tentuar që të zbusin dënimin e përjetshëm që kanë marrë. Mediat greke bëjnë me dije se gjykata do të nisë një trajektore vendimmarrjeje duke u fokusuar tek trupa gjykuese, nëse do të binden për t’u dhënë masë lehtësuese dy të pandehurve.
Në shkallë të parë dy të pandehurit u dënuan me burgim të përjetshëm për vrasjen mizore të studentes Eleni Topaloudi dhe përveç dënimit të parë, ata u dënuan shtesë me 15 vite burg për përdhunimin e saj. Në seancën e kaluar gjyqësore kishte përfunduar marrja në pyetje e dëshmitarëve, me babain e të akuzuarit duke dëshmuar për djalin e tij, duke u shprehur se djali i tij ishte joshur.
Ping-pongu i përgjegjësive
Sot i pari që do të dalë para gjykatës dhe do të kërkojë falje, do të jetë 24-vjeçari nga Rodos, i cili pretendon se nuk ka gisht në vrasjen e të resë dhe se krimin makabër e ka bërë shqiptari.
“Unë nuk e përdhunova, nuk e vrava, nuk i bëra asgjë të keqe Elenit,”- ka deklaruar ai duke ia kaluar të gjithë përgjegjësinë shqiptarit e duke thënë se ky i fundit e ka goditur me thikë studenten 21-vjeçare dhe e ka hedhur vetë nga shkëmbi në det. 24-vjeçari pohoi se gjithçka nisi kur i bashkakuzuari u inatos me vajzën dhe nisi ta godiste atë “me hekur në kokë”, sepse ajo i buri në pikëpyetje burrërinë.
“Ai kapi thikën dhe ia nguli në fyt. E çoi në banjë dhe e goditi në lavaman. Ai i tha ‘do të ta pres qafën’. Më pas e hodhi në vaskë. I hodhi ujë të ftohtë, pasi i hoqi të gjitha rrobat që kishte veshur. E ngriti dhe zbriti vetëm nga shkallët. Unë vazhdova t’i thosha ‘mos e bëj këtë’. I thashë ta çonte në spital, por ai e hodhi nga shkëmbi. Nuk e kam ndihmuar…”, ka deklaruar 24 vjeçar grek. Nga ana e tij, i riu 23-vjeçar me origjinë shqiptare, duke kërkuar falje dhe shtoi se kishte një lidhje me studenten.
“U nisëm për në shtëpinë e Elenit. Parkova dhe i dërgova mesazh se kishim mbërritur. Eleni më pyeti me kë je? I thashë nuk më ke thënë të sjell një shokun tim? Dhe tha në rregull”.
Lidhur me ngjarjet e ndodhura brenda shtëpisë së Roditit, 23-vjeçari ka pohuar se shoku i tij është inatosur me vajzën kur ajo i ka bërë një koment duke i fyer burrërinë. Siç e përshkroi ai, i riu grek i tij “më pas filloi ta godiste me shuplakë dhe me shkelma”.
Më tej ai ka dëshmuar: Nuk dija kë të përkrahja, të dashurën apo shokun tim. Pastaj u largua dhe u kthye me thikë. Ai filloi ta godiste me thikë dhe e hodhi poshtë me forcë. Ai kapi hekurin pranë saj dhe filloi ta godiste. E shtyva dhe më tha ‘ulu poshtë’. Isha i frikësuar për jetën time. Pastaj ai eci nëpër dhomë. Eleni ishte pa ndjenja. Shkova tek ajo. E çova në banjë. Ajo donte të shikonte fytyrën e saj në pasqyrë dhe unë nuk e lashë. Ai hyri në dush. Mora një çarçaf dhe ia hodha. Zbritëm shkallët dhe Manolisi hapi derën e makinës. Eleni u ul në sediljen e parë.
Gjithashtu shqiptari ka pohuar se kishte kërkuar nga 24-vjeçari që ta çonte vajzën në spital por ai nuk i ishte përgjigjur.
“Po shkonim për në spital, por pashë që u fut në një rrugë dytësore dhe kuptova që nuk do të shkonte në spital. Ai doli dhe më tha ‘do ta heq qafe se do të më mbyllë në burg’. E mori mbi supe dhe u kthye pas dhjetë minutash dhe më tha, ‘mirë shqiptar, mbaroi, hyr tani’,”- shprehet 23-vjeçari.
Eleni Topalaudi u vra mbrëmjen e 28 Nëntorit 2018 nga dy të rinjtë, 21-vjeçari grek Manolis Koukouras dhe 20-vjeçari shqiptar Aleksandër Luca. Aleksandër Luca dhe Manolis Koukouras akuzojnë njëri-tjetrin për vrasjen e 21-vjeçares mbrëmjen e 28 Nëntorit. Trupi i saj u gjet i hedhur në shkëmbinj në det. Pasi ishte dhunuar nga dy të rinjtë, ata i kishin lidhur këmbët, e kishin goditur në kokë dhe më pas trupin e kishin hedhur në det. Nga ekspertiza rezultoi se në momentin kur ishte hedhur në det, e reja ishte ende gjallë por ishte mbytur në det pasi nga dëmtimet e marra nuk kishte mundur që të notonte.
Marrë nga Protothema
