Detaje të reja janë zbardhur në lidhje me ngjarjen e rëndë të ndodhur mbrëmjen e së dielës në një lokal në zonën e “Don Boskos” në Tiranë, ku nga të shtënat me armë mbeti viktimë bankierja si dhe u plagosën 6 persona.
Në vendin e ngjarjes, janë gjetur më shumë se 15 gëzhoja kallashnikovi.
Ndërkaq, hetuesit janë rikthyer sërish në vendngjarje për të kryer matje të tjeta në funksion të hetimeve.
Hetimet janë përqendruar tek konfliktet e Fatjon Muratit, i cili është pronari i lokalit ku ndodhi ngjarja, si dhe një emër i njohur në botën e krimit.