FIER- Zbulohet laboratori i kokainës në Fier. Laboratori është zbuluar në fshatin Fratar në qytetin e Fierit. Operacioni është zhvilluar nga Prokuroria e Posaçme Kundër Korrupsionit dhe Krimit të Organizuar (SPAK), Dea Amerikane dhe Policia e Malit të Zi. Si pasojë e operacionit të zhvilluar janë arrestuar 15 persona, katër prej të cilëve janë kapur në Tiranë.
Magazina është në pronësi të një prej personave të vënë në pranga. Në ambientet e magazinës janë gjetur 400 kilogramë pleh kimik i përzier me kokainë. Droga mendohet të ketë ardhur nga Mali i Zi. Në të njëjtin ambient janë gjetur dhe 2 kallashë, 1 shotgun dhe një çifte.
Ngarkesa me kokainë ka ardhur nga Kolumbia dhe përpunohej në magazinën në Fier ku dhe u gjet. Mësohet se Prokuroria e Posaçme Kundër Korrupsionit dhe Krimit të Organizuar (SPAK), DEA dhe policia e Malit të Zi e mbanin prej tre muajsh nën hetim 15 personat që janë vënë sot në pranga.
Në magazinë është gjetur një sai prej 400 kg, kokainë e fshehur në thasë me pleh kimik si dhe armë zjarri. Më konkretisht janë sekuestrua dy kallashë, një shotgun dhe një çifte.
