Kavajë- Flakët e zjarrit përfshijnë Shtëpinë e të Moshuarve në Kavajë. Një grua pëson asfiksi e lëndime dhe përfundon në spital.
Ngjarja ka ndodhur rreth orës 14:00.
Menjëherë forcat e Shërbimit Zjarrfikës me dy mjete me grupin e shërbimi si dhe ato të gatshëm, shkuan në vendin e ngjarjes dhe organizuan punën për fikjen e zjarrit.
Gjithashtu dhe me një grup për evakuimin e të moshuarve nga godina pasi tymi i shpërndare në të gjithë ambientet ishte rrezik për asfiksimin e tyre.
Zjarri u fik si dhe gjithë të moshuarit u nxorën nga dhomat e tyre.
Nga zjarri i rënë një e moshuar mori lëndime pasi ishte brenda në dhomën ku kishte rënë zjarri.
Menjehërë e moshuara u dërgua për mjekim të specializuar nga shërbimi mjekësor Kavajë. Në vendngjarje shkoi edhe policia dhe grupi hetimor të cilët kryen veprimet proceduriale për përcaktimin e shkaqeve të zjarrit.
Nga pamjet ekskluzive të siguruara nga Infoweb Media duket qartë dëmi i shkaktuar nga zjarri. Infoweb Media