Librazhd – Koordinatori i Agjencisë Turke për Bashkëpunim dhe Koordinim (TIKA) në Shqipëri, z. Mustafa Ata, zhvilloi një vizitë zyrtare në qytetin e Librazhdit, ku u prit nga Kryetari i Bashkisë, z. Mariglen Disha.
Qëllimi i vizitës ishte inspektimi i gjendjes aktuale të Muzeut të Qytetit, si dhe diskutimi për mundësitë e bashkëpunimit në funksion të restaurimit të kësaj godine me rëndësi të veçantë historike dhe kulturore për Librazhdin.
Gjatë inspektimit në terren, u theksua rëndësia që ka ky institucion për ruajtjen e identitetit dhe trashëgimisë kulturore të zonës. Kryebashkiaku Disha vlerësoi gatishmërinë e TIKA-s për të mbështetur projekte që ndikojnë drejtpërdrejt në përmirësimin e jetës komunitare dhe në promovimin e vlerave lokale.
“Ndërhyrja në këtë objekt është mëse e domosdoshme për të ruajtur trashëgiminë tonë kulturore dhe për të forcuar identitetin e qytetit,” u shpreh z. Disha, duke falënderuar z. Mustafa Ata për angazhimin dhe kontributin e vazhdueshëm të TIKA-s në Librazhd.
Postimi i kryebashkiakut Mariglen Disha:
