Nga Deni Dushku
“A do mbyllen shkollat?” ishte pyetja që iu drejtua nga infoelbasani.com prefektit të Elbasanit, Klevis Xhoxhi, në një takim që zhvilloi sot në shkollën Vasil Kamami.
Mbasditen e sotme në gjimnazin “Vasil Kamami” u zhvillua një takim me prefektin e Elbasanit Klevis Xhoxhi, drejtoreshën e ZVA-së Anila Çota,drejtorinë e shkolles, këshillin e prindërve dhe kryetaren e qeverisë së nxënësve. Në mbledhje u diskutua për masat anti-Covid, por jo vetëm.
Prindërit ngritën shqetësimin e tyre mbi gjendjen e infrastrukturës së shkollës, ku më shqetësuese është gjendja aktuale e tualeteve por edhe e sistemit elektrik. Nga ana tjetër prinderit ishin të kënaqur nga stafi pedagogjik dhe masat anti-Covid në gjimnazin “Vasil Kamami”, për të cilat drejtoresha e shkollës Anjeza Cerri dha nje informacion më të detajuar.
Një nga pyetjet që i dha përgjigje prefekti i Elbasanit ishte “A është e vërtetë se me regjistrimin e të dhënave të nxënësve në portalin akademi.al mbyllja e shkollave është afër?” Përgjigja ishte “Jo” Regjistrimet në portal jane thjesht masa paraprake.
Në fund drejtoresha Anila Çota u shpreh se me bashkepunimin prindër-mësues-nxënës lufta kundër Covid-it do të jete më e lehtë. infoelbasani.com
![Pinterest](https://pinterest.com/pin/create/button/?url=https://infowebtv.com/a-do-mbyllen-shkollat-ja-si-u-pergjigj-prefekti-i-elbasanit-ne-shkollen-vasil-kamami/&media=https://infowebtv.com/wp-content/uploads/2020/10/123170274_482196396072759_2071166217417520833_n.jpg&description="A do mbyllen shkollat?" ishte pyetja që iu drtejtua nga infoelbasani.com prefektit të Elbasanit, Klevis Xhoxhi, në një takim që zhvilloi sot){kind=link}