Gjykata e Lezhës ka dhënë masën e sigurisë ”arrest me burg” për 5 personat që dyshohet se abuzuan dhe shantazhuan një 15-vjeçare në Mirditë.
Gjykata ka dhënë masën e arrestit me burg për shtetasit: Artan Kaçorri 31-vjeç, Albert Molla, Ermal Tarazhi 30-vjeç, Nike Lleshi 44-vjeç dhe 17 vjeçari A. Gjikola.
Sot disa lëvizje dhe shoqata për mbrojtjen e të drejtave të grave dhe vajzave pritet që të protestojnë në disa qytete të ndryshme të vendit, përfshirë edhe Rrëshenin, ku ishte dhe vendi i origjinës i abuzimit të fundit që është bërë publik.
Dyshohet se e mitura është kërcënuar me video intime dhe është detyruar që të kryejë marrëdhënie në grup me të 5-të të ndaluarit, ndërkohë që familjarët thonë se abuzimi ka nisur që në Janar të këtij viti.
