Një aksident me pasojë vdekjen ka ndodhur mëngjesin e sotëm në aksin Shkodër Koplik, ku si pasojë e përplasjes së tre mjeteve një person ka vdekur, dhe disa të tjerë kanë mbetur të plagosur.
Siç shihet dhe nga pamjet e mëposhtme, një prej makinave është përplasur me një mur rrethues, i cili i ka shtypur të gjithë pjesën e parë të mjetit.
Policia nuk ka mundur që të identifikojë viktimën e aksidentit, ndërkohë që nuk ka të dhëna as për gjendjen e personave të plagosur. Dyshohet se shkak i aksidentit ka qenë shpejtësia e lartë me të cilën udhëtonin mjetet, ndërsa policia vijon hetimet për ngjarjen e rëndë.
Njoftimi i Policisë:
Më datë 18.05.2021, reth orës 08:45, në rrugën e fshatit Omaraj, Malësi e Madhe, ka ndodhur një aksident rrugor ku janë përfshirë tre mjete.
Si pasojë e aksidentit një person ka ndërruar jetë, identiteti të cilit nuk dihet akoma.
Veprimet po kryhen me grup hetimor për sqarimin e rrethanave të aksidentit.
