TIRANË- Ministri i Drejtësisë Ulsi Manja ka dorëzuar ditën e sotme në kryeministri versionin përfundimtar të Amnistisë për të burgosurit. Për mediat, Manja u shpreh se në versionin përfundimtar të Amnistisë janë reflektuar rekomandimet e kërkuara nga SPAK, KLGJ dhe Prokuroria e Përgjithshme. Po ashtu në versionin përfundimtar preken vendimet deri në datën 30.11.2023, duke e rritur numrin e përfituesve në rreth 620 të dënuar.
“Kemi reflektuar rekomandimet e kërkuara nga SPAK, KLGJ dhe Prokuroria e Përgjithshme, duke e bërë një amnisti dhe më të plotë, nga e cila do të përfitojnë 620 të dënuar”, tha Manja.