Policia e Durrësit ka arrestuar një 30-vjeçar, pasi gjatë kontrollit atij iu gjetën dhe sekuestruan 4 doza të lëndës narkotike kokainë.
Sipas forcave blu u bë arrestimi i shtetasit me inicialet R.V 30 –vjeç i cili merrej me shpërndarjen e lëndëve narkotike në doza të vogla.
Gjatë kontrollit në automjetin tip “Peugeto” nën pronësinë e 30-vjeçarit u gjetën 4 doza me lëndë narkotike kokainë 3 aparate celularë dhe një shumë parash të përfituara nga shitja e drogës. Materialet i kaluan Prokurorisë së Rrethit Gjyqësor Durrës, për veprën penale “Prodhimi dhe shitja e narkotikëve”.
Njoftimi i policisë:
Sekuestrohen 4 doza me lëndë narkotike kokainë dhe një sasi parash të përfituara nga shitja e lëndës narkotike, arrestohet në flagrancë poseduesi i tyre.
Specialistët për Hetimin e Narkotikëve në DVP Durrës, në bazë të informacioneve të siguruara në rrugë operative se një shtetas merrej me shpërndarjen e lëndëve narkotike në doza, organizuan punën dhe arrestuan në flagrancë shtetasin:
R.V., 30 vjeç, banues në Maminas, Durrës.
Shërbimet e Policisë e kanë ndaluar në Maminas, shtetasin R. V., i cili po drejtonte mjetin tip “Peugeot” dhe nga kontrolli i ushtruar në mjet iu gjetën 4 doza me lëndë narkotike kokainë.
Në cilësinë e provës materiale u sekuestruan dozat e lëndës narkotike, mjeti tip “Peugeot”, 3 aparate celularë dhe një shumë parash të përfituara nga shitja e lëndës narkotike.
Materialet i kaluan Prokurorisë së Rrethit Gjyqësor Durrës, për veprën penale “Prodhimi dhe shitja e narkotikëve”.
