Banka e Shqipërisë do të prezantojë javën e ardhshme dy kartëmonedhat e reja, ku njëra është dezajn i ri i prerej 1 mijë lekshe që qarkullon në treg dhe tjetra prerja e re prej 10 mijë lekësh.
Prezantimi i kartëmonedhave të reja do të zhvillohet në ambientet e Bankës së Shqipërisë ditën e martë më 15 qershor në orën 11:00.
“Do të organizohet prezantimi i dy prerjeve të radhës së serisë së re të kartëmonedhës shqiptare, përkatësisht 1000 Lekë dhe 10000 Lekë”, thuhet në njoftimin e BSh.
10 mijë lekëshi do të jetë kështu prerja më e madhe e një kartëmonedhe të lekut, duke tejkaluar 5 mijë lekshin, që mban këtë fron prej vitesh.
Për shkak të masave për parandalimin e përhapjes së Covid-19, aktivitett do të transmetohet vetëm me praninë e operatorëve në ambientet e brendshme të Bankës së Shqipërisë.
