Raportohet se Klement Balili apo siç njihet ndryshe Eskobari i Ballkanit, është shtruar në spitalin e burgut në Peqin.
Por pas vendimit të gjykatës që ai ta vuante dënimin në siguri të lartë, Balili është shprehur se nuk e përballonte dot.
Gjithashtu 120 të dënuar të tjerë kanë hyrë në grevë urie, pasi kërkojnë takime me të afërmit e tyre dhe të mos aplikohet burg i përjetshëm.
Ata kërkojnë edhe mos denimin kur kapen me telefona në qeli, ndërsa kanë firmosur një peticiom ku kërkojnë dorëheqjen e drejtorit Agim Ismaili.
Për t’u theksuar është fakti se fenomeni i “të sëmurit” po përsëritet tek burgu i Peqinit. Pasi gjatë javës u shtruan në spital Gate Mahmutaj Arbjon Aliko dhe Genci Balla.
Ende nuk ka një informacion zyrtar se çfarë ndodh brenda mureve të këtij burgu dhe Drejtoria e Përgjithshme e Burgjeve nuk ka dhënë një shpjegim.
