Detaje të reja janë zbuluar nga plagosja me armë zjarri në mesnatë në qytetin e Kavajës. I plagosur mbeti 34-vjeçari Shkëlzen Shehu i cili dyshohet se është plagosur me armë zjarri nga bashkëmoshatari i tij i identifikuar si Emiljano Sina.
Ndërkohë bëhet me dije se Sina rezulton të jetë një person me precedent penal në fushën e armëmbajtjes pa leje.
Sherri mes dy të rinjve ka agravuar në përdorimin e armës dhe për pasojë është plagosur në këmbë 34-vjeçari Shehu.
Ndërkohë Sina vijon të jetë në arrati, ndërsa po punohet për kapjen e tij. Grupi hetimor, në bashkëpunim me Prokurorinë, po punon për sqarimin e rrethanave të ngjarjes.
