Një debat i ashpër është zhvilluar mbrëmjen e djeshme mes deputetit Myslim Murrizi dhe kandidatit të PD-së për deputet në qarkun e Durrësit Agim Baçi. Shkak për agravimin e konfliktit është bërë etiketimi që Murrizi i bëri Baçit, duke e quajtur “Karrabush” dhe ‘birbo”, ndërsa Baçi ka kërkuar që të fikeshin kamerat në mënyrë që të sqarohej debati.
Në këtë moment ka ndërhyrë dhe moderatori Denis Minga, i cili iu ka kërkuar të dy kandidatëve që të qetësoheshin. Në mesin e debatit Baçi i ka drejtuar gishtin tregues, ndërkohë që Murrizi e ka shndërruar në banalitet debatin.
Murrizi: Ti je i mpirë nga trutë e kokës nga Basha
Baçi: Avash avash zotëri, avash o zotëri
Murrizi: Të të kthej memorien ty?
Baçi: Avash o zotëri se jemi për punë tjetër këtu
Murrizi: Ky vjen si karabush këtu. Hape PLL-në në 2009 ka qenë me PD aleate. Më bie biorbo në studio ti
Baçi: O zotëri…
Murrizi: S’jam zotëri për ty unë
Baçi: Unë po të lavdëroj që po të them zotëri. Mua mos mu drejto me ato fjalë
Murrizi: Unë të drejtohem me ça të kem qejf
Baçi: Më drejtohesh mua me çfarë ke qejf? (I drejton gishtin tregues)
Murrizi: Gishtin gjej vend e fute, gjej vend e fute
Baçi: Ndërprite çik ndërprite…
Murrizi: Ik po deshe
Baçi: Ndërprite…
Drejtuesi i emisionit: Të lutem Gimi, je i respektuar dhe do kesh kohën tënde
Murrizi: Iki ku të kem qejf unë
Baçi: Jo ore do ikim bashkë ne…
