Një ndërhyrje e shpejtë e Policisë në Elbasan ka parandaluar një ngjarje të mundshme kriminale në një familje. Një 34-vjeçar ka ushtruar dhunë ndaj prindërve të tij dhe i ka kanosur ata për jetën, pas çka ka larguar veten nga banesa e tyre në fshatin Shushicë. Pas njoftimit të ngjarjes, shërbimet e Policisë kanë organizuar menjëherë punën dhe kanë sekuestruar një armë zjarri kallashnikov, 2 pako me dinamit dhe municion luftarak në banesën e familjes.
Shtetasi i kërkuar, Danjel Gaxhja, ka arritur të largohet në një terren të vështirë malor pasi ka konstatuar mbërritjen e Policisë në vendngjarje. Shërbimet e Policisë po vijojnë punën për kapjen e tij.
Në kontrollin e banesës janë gjetur dhe sekuestruar 1 armë zjarri, 2 pako me lëndë të dyshuar plasëse dinamit, 1 kapsolle detonatore dhe municion luftarak.
Materialet e ngjarjes do të kalojnë në Prokurori për veprime të mëtejshme.