Drejtori i Agjencisë Shtetërore të Kadastrës, Artan Lame, ka marrë pjesë në shpërndarjen e lejeve të legalizimit për Librazhdin dhe Përrenjasin.
Duke marrë fjalën me këtë rast Lame u shpreh se ‘vijmë këtu për të përfunduar një pjesë të legalizimeve të pritura për shumë kohë, ku është punuar për shumë kohë dhe që tani ka ardhur momenti për të bërë bilancin e punës në vite.
Përrenjasi dhe Librazhdi janë si kudo në Shqipëri. Ka pasur të njëjtat probleme, por ka pasur një fat të madh se ka pasur një drejtor të palodhur si Mariglen Disha i mbështetur nga stafi i tij’.
Më tej Lame deklaroi se ‘mbyllja e problemit të legalizimeve nuk është fundi për ne, më shumë gëzoni ju më pas nisin procedurat e tjera. Kur keni mundësi thoni fjalën e mirë. Punën e ka bërë drejtori dhe këta djem e vajza që janë këtu. Padyshim që marr pafund mesazhe dhe ankesa. Thoni fjalën e mirë për punën e bërë. Njerëzit, sa herë hasin pengesa, janë të prirur të thonë që na pengojnë për lekë. Jo thojeni që punën e mbarova pa dhënë para! Unë erdha sot në ditë pushimi sepse puna nuk është vetëm rrogë, por edhe kënaqësi’.
Drejtori i Agjencisë Shtetërore të Kadastrës nënvizoi gjithashtu se ka zëra sikur po mbyllen dyert apo zyrat. ‘Ty si qytetar nuk të duhet zyra. Shërbimi vjen online në shtëpinë tënde’!
Lame shoqërohej nga drejtori i Agjencisë Shtetërore të Kadastrës Elbasan, Mariglen Disha, dhe stafi i Kadastrës Elbasan.
Qytetarët falenderuan Kadastrën Elbasan për punën e bërë dhe veçanërisht drejtorin Mariglen Disha për të cilin komuniteti i 7 bashkive të qarkut Elbasan ka shprehur vetëm mirënjohje dhe falenderim për punën e bërë e mbi të gjitha e vlerësojnë atë për korrektësinë e profesionalizmin duke asistuar personalisht në zgjidhjen e problemeve që kanë.
Kadastra e Elbasanit renditet si më e mira në Shqipëri për punën e bërë. Infowebtv
https://fb.watch/fkaxI0ckY2/
