TIRANE – Ndarja nga jeta e Raphael Dwamenas ka tronditur të gjithë. Një arrest kardiak i mori jetën 28-vjeçarit, i cili mbylli sytë përgjithmonë në minutën e 24-të të ndeshjes mes Egnatias dhe Partizanit.
Nuk ishte hera e parë që lojtari pësonte një arrest kardiak, pasi edhe në të kaluarën e kishte përjetuar diçka të tillë 2 herë, por në Rrogozhinë nuk ia doli dot të mbijetonte. Për Dëamenan kanë reaguar shumë figura të njohura të botës së sporti, por jo vetëm.
Nëpërmjet një postimi në rrjetet sociale ka folur edhe Drejtori i Urgjencës mjekësorë, Skënder Brataj. Ky i fundit ka shpejguar në gjuhën mjekësore se pse Dëamena nuk duhet të luante.
Postimi i plotë i mjekut:
“Vdekje e paralajmeruar!
Ngushëllime familjes për humbjen e të dashurit të tyre.
Kur ndodhi ngjarja në vitin 2021 me futbollistin e Danimarkës Eriksenin pati shumë interpretime. Një gjë është e sigurt: Erikseni nuk duhet të luaj futboll! Raphael Dëamena nuk duhej të luante futboll! Mjekët e njoftuan disa herë, Zoti e fali dy herë!
Çfarë është Kardiomiopatia hipertrofike?
Ajo (zmadhimi i mureve të zemrës) është një sëmundje e trashëguar e zemrës.
Kjo formë e kardiomiopatisë quhet asimetrike; Forma më të rralla të kardiomiopatisë, që prekin afërsisht 2% të pacientëve, janë hipertrofi koncentrike, me trashje uniforme të zemrës në murin e ventrikulit të majtë dhe hipertrofia me zmadhim të apeksit të saj.
KOMPLIKIMET
Në shumicën e rasteve, kur monitorohet sëmundja ka ecuri të mirë. Kardiomiopatia hipertrofike mund të shfaqet me lipotimi të shoqëruar me humbje të vetëdijes, sinkop, arrest respirator deri në arrest kardiak. Në këtë rast kërkohet reanimim i menjëhershëm.
DIAGNOZA
Diagnoza e kardiomiopatisë hipertrofike vendoset nëse gjendet trashje e murit të ventrikulit të majtë të cilat shoqërohen me anomali të formës dhe/ose funksionit të valvulës mitrale, qarkullimit koronar të gjakut, sistemit të përcjelljes së impulsit elektrik të zemrës.
Këto ekzaminime çojnë në diagnozën e sëmundjes:
Elektrokardiograma (EKG), Ekokardiograma, MRI kardiake, CT skanimi i zemrës, testet laboratorike dhe analizat gjenetike.
TRAJTIMI
Pacientët e diagnostikuar me kardiomiopati hipertrofike trajtohen me këto grupe medikamentesh:
Beta bllokues, bllokuesit e kanaleve të kalciumit, diuretikët, disopiramide.
Nëse terapia nuk është e mjaftueshme dhe pacienti vazhdon të shfaqi simptoma, ekzistojnë 2 opsione kirurgjikale për trajtimin e kardiomiopatisë hipertrofike.
Opsioni i parë konsiston në heqjen e pjesës së indit të muskujve të zemrës që është trashur: ky operacion quhet miektomi (procedurë Morroë).
E dyta konsiston në nderhyrjen e septumit ndërventrikular.
Për pacientët që konsiderohen të jenë në rrezik të lartë të aritmive kardiake kërcënuese për jetën, indikohet implantimi i një defibrilatori automatik (ICD), siç ishte rasti i Raphael Dwamena.
Dy janë artmitë vdekjeprurëse në këtë rast: Takikardia ventrikulare pa puls dhe fibrilacioni ventrikular që i kanë ndodhur dy herë të tjera në fushë këtij lojtari.
Mund të evitohej? Po.
Ai nuk duhet të luante!
Dr.Skender Brataj”, ka shkruar kreu i urgjencës.
