Disa persona janë plagosur pasditen e sotme në një aksident që ka ndodhur në aksin rrugor Shkodër-Lezhë në fshatin Mabë. Raportohet se në aksident janë përfshirë katër makina.
Të plagosurit janë dërguar drejt spitalit të Shkodrës dhe të Lezhës për ndihmë mjekësore. Ngjarja ka ndodhur rreth orës 17:25. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
