Shpërthen në flakë një kamionçinë e ngarkuar me mobilie.
NGJARJA NDODHI Rreth orës 06:25, në aksin rrugor “Lushnjë-Fier”, dyshohet se si pasojë e një defekti në automjet, ka marrë flakë gjatë lëvizjes, automjeti tip kamion, me drejtues shtetasin S. M., banues në Elbasan.
Kamionçina e ngarkuar me mobilje udhëtonte nga Elbasani në drejtim të Fierit, por befas ka shpërthyer në flakë.
Drejtuesi i mjetit ka deklaruar se ka dëgjuar një zhurmë në pjesën e pasme dhe më pas ka parë që kanë shpërthyer flakët.
Me gjithë ndërhyrjen e zjarrfikëseve asgjë nuk ka shpëtuar por shoferi nuk ka pësuar dëmtime.
Paraprakisht dyshohet për shkëndijë elektrike në pjesën e pasme të mjetit.
Një grup hetimor po punon për zbardhjen e rrethanave të ngjarjes.
