I pyetur në Elbasan në lidhje me faktin nëse ka marrë një propozim për postin e ministrit të Brendshëm, kreu i grupit parlamentar të PS, Taulant Balla u shpreh se nuk mund ta pranonte një pozicion të tillë.
Balla deklaroi se ai do preferonte të mbante pozicionet që kishte në Partinë Socialiste.
“Unë jam kryetar i grupit parlamentar të PS dhe Sekretar i Përgjithshëm i PS, e kam thënë shpesh që sipas librit të rregullave të PS Sekretari s’mund të marrë një detyrë ekzekutive. Në këto kushte do preferoja të isha në pozicionin e sekretarit të përgjithshëm e kryetar i grupit parlamentar por brenda grupit të PS e brenda njerëzve që kontribuojnë çdo ditë në këtë rrugë historike të një ndryshimi të pakthyeshëm të Shqipërisë”, pohoi Balla.
