Protesta e qytetarëve të Shkodër në kuadër të kauzës së vrasjes nga efektivi i policisë së 25-vjeçarit, Klodian Rasha, vazhdon ende përballë selisë së PS-së.
Pas thyerjes së xhamave, protestuesit kanë bastisur selinë dhe i kanë vendosur zjarrin, çka ka sjellë reagimin e FNSH-së. Forcat policore kanë krijuar një gardh pranë selisë së PS-së që tashmë është mbuluar nga tymi e zjarri i vendosur sendeve në rrugën përpara. Protestuesit janë larguar, duke u spostuar disa dhjetëra metra dhe kanë hyrë nëpër rrugica, ndërsa ka dhe efektivë policie të shpërndarë.
