Drejtoria Vendore e Policisë Elbasan ka zhvilluar disa operacione dhe veprime procedurale gjatë 24 orëve të fundit, duke ekzekutuar një arrestim dhe duke nisur disa procedime penale në Cërrik, Gramsh e qytetin e Elbasanit.
-
Arrest për drogë – Specialistët për Hetimin e Narkotikëve ekzekutuan masën e sigurisë “Arrest në burg” për shtetasin F. R., 24 vjeç, me vendim të Gjykatës së Shkallës së Parë të Juridiksionit të Përgjithshëm Elbasan, të datës 6 tetor 2025, për veprën penale “Prodhimi dhe shitja e narkotikëve.”
-
Procedime në Cërrik – Specialistët për Hetimin e Krimeve në Komisariatin e Policisë Cërrik kanë nisur procedim penal ndaj Q. Ç., 34 vjeç, i kapur duke kryer punime ndërtimi pa leje, si dhe ndaj Sh. M., 43 vjeç, i cili dyshohet se ka ushtruar dhunë psikologjike ndaj bashkëshortes së tij. Viktima është pajisur me urdhër mbrojtjeje.
-
Procedim në Gramsh – Në Gramsh, është proceduar penalisht L. D., 39 vjeç, pasi dyshohet se ka dërguar mesazhe me përmbajtje fyese në celularin e një 64-vjeçari.
-
Kallëzim për person të humbur – Më datë 6 tetor 2025, shtetasja Z. L., 59 vjeçe, ka kallëzuar në polici se që prej muajit nëntor 2024 ka humbur kontaktet me bashkëshortin e saj, B. L., 67 vjeç. Policia po punon për gjetjen e tij.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
