Gjendet i vdekur në banesë një shtetas në Elbasan.
Rasti u mësua sot në mesditë në lagjen “Shën Koll”.
Burime nga vendngjarja bënë me dije për Infoweb se një shtetas rreth 50-vjeç është gjendur i pajetë në banesën e tij.
Në vendin e ngjarjes shkuan policia dhe një grup hetimor.
Ende mbeten mister shkaqet e e vdekjes së tij. Trupi është dërguar në morgun e spitalit dhe do t’i nënshtrohet ekspertimit mjeko-ligjor për të përcaktuar arsyet e humbjes së jetës.
Burime policore bënë me dije se në trupin e viktimës nuk janë konstatuar shenja të dhunës.
