Infektohen me koronavirus 22 mësues në Elbasan.
Prej disa kohësh infektimet nuk kanë reshtur pothuaj në të gjitha shkollat e qytetit përfshi 9-vjeçaret dhe gjimnazet. Aktualisht janë pozitivë me COVID-19 dhe në karantinë 22 mësues dhe edukatore.
Gjatë 24-orëve të fundit raportohen edhe tre mësues të tjerë, 2 në shkollat e ciklit të ulët dhe një në gjimnazin “Kostandin Kristoforidhi”.
Ndërkohë janë shënuar edhe 4 raste pozitivë në Drejtorinë Rajonale të OSHEE-së në Elbasan.
Elbasani rezulton një nga qytetet më të infektuara në Shqipëri. Një “bombë” e vërtetë me koronavirus pasi aktualisht rezultojnë të infektuar të gjitha institucionet si bashki, qark, spitale, arsim, drejtori, polici, gjykatë etj.
Por çfarë është më e keqja mësohet se dhjetëra të prekur nuk tregojnë, refuzojnë të shkojnë tek mjeku duke qëndruar në shtëpi dhe duke marrë mjekime në mënyrë private. infoelbasani.com
