Femrat beqare janë të lumtura kur plaken, ja çfarë tregon studimi

“Beqaria në pleqëri është një vendim i gabuar”, në fakt është një mit i gabuar. Një studim i fundit tregon se gratë që zgjedhin të mos kenë një partner gjatë jetës, kur plaken, janë më të lumtura, duke listuar arsyet.

Demaskimi i mitit; Një studim zbuloi se, në ditët e sotme, edhe të moshuarit preferojnë të jenë beqarë. Të rriturit nuk kanë nevojë për një bashkëshort në afërsi për t’i shpëtuar nga vetmia. Nëse kanë miq të ngushtë ose dikë tek i cili drejtohen kur kanë vështirësi, ata ndihen po aq të lumtur sa të martuarit. Sociologu amerikan Eric Klinenberg dëshmon se beqarët janë më të angazhuar në ngjarje shoqërore dhe kanë shëndet më të mirë mendor.

Lidhjet e tyre shoqërore janë më të forta; Beqarët mbajnë më shpesh kontakt me miqtë dhe familjen e tyre. Askush nuk i largon nga lidhjet e tjera shoqërore. Njerëzit që martohen mund të bëhen më pak të vëmendshëm ndaj vëllezërve të motrave, të afërmve dhe prindërve të tyre. Ata nuk tregojnë aq shumë mbështetje sa beqarët. Për më tepër, shkencëtarët socialë zbuluan se beqarët marrin më shumë ndihmë nga rrjetet e tyre sociale sesa njerëzit e martuar.

Ata kuptojnë më shumë nga teknologjia; Për të mbajtur kontakte me miqtë dhe familjen e tyre, ata duhet të dinë sesi të përdorin teknologjinë moderne. Ata kanë marrëdhënie të mirë me Skype, ËhatsApp dhe rrjete të tjera sociale sepse janë të etur për të mësuar dhe kanë kohë për këtë, informon abcneës.al.  Ndryshe nga beqarët, të martuarit nuk e ndiejnë të nevojshme të shkojnë aq larg, sepse ata tashmë kanë gjysmën e tyre të dytë.

Ata përfitojnë nga vetmia e tyre; Beqarët i kushtojnë shumë kohë të lirë zhvillimit të vetvetes. Ata e mbajnë punën e vlefshme me shumë vëmendje, ushtrohen më shumë dhe kanë më pak mendime negative për shkak të ndjenjës së tyre të vetë-mjaftueshmërisë. Çuditërisht, njerëzit e martuar që janë po aq të vetë-mjaftueshëm, por kanë tendencë të përjetojnë emocione negative. Beqarët gjithashtu kanë liri zgjedhjeje dhe nuk kanë nevojë të diskutojnë me dikë për diçka.