Një përballje e vërtetë titanësh ishte ajo që rezervoi e shtuna në boks, kur u vunë sërish përballë njëri-tjetrit, Tyson Fury dhe Deontay Wilder.
Ishte sërish boksieri britanik që doli fitues në arenën “T-Mobile” në Las Vegas duke e rrëzuar amerikanin në tapet në raundin e 11.
Ndonëse Wilder ishte në avantazh në raundet e para, Fury gjeti fuqinë të ringrihej pas raundit të shtatë. Ai e rrëzoi amerikanin në të 10-in, për t’i dhënë goditjen fatale raundin pasardhës.
“Ishte një ndeshje e hatashme. Duhet ta pranoj u lëndova. Rashë në tokë dy herë. Ëilder është një luftëtar i vërtetë, por e kam thënë dhe më herët që unë jam më i miri në botë, ndërsa ai vjen pas meje”, deklaroi Fury pas ndeshjes.
Tyson Fury knocks out Deontay Wilder in the 11th round to get the win 🥊 #FuryWilder3
— ZONE23 (@ZONE23WORLD) October 10, 2021
