Grida Duma : Do të rikthejmë subvencionin e drejtpërdrejt

Kandidatja për deputete e Partisë Demokratike në qarkun e Tiranës, Grida Duma, sot, pa nga afër fermën e një banori të Rrogozhinës. Fermeri shprehu shqetësimin se për shkak të mungesë së subvencioneve puna e tij nuk ka prodhimin e nevojshëm.

Në diskutimin me Grida Dumën një tjetër problem që  shfaqi fermeri ishte mungesa e investimit në infrastrukturë, që ndikon drejtpërdrejt tek fermerët e zonës.

Në diskutimin me Grida Dumën një tjetër problem që  shfaqi fermeri ishte mungesa e investimit në infrastrukturë, që ndikon drejtpërdrejt tek fermerët e zonës.

“Kam dy tufa e më duhet të vi vërdalle vetëm për një nënkalim. Është mbyllur nënkalimi që në vitin 2016 e na ka bllokuar cdo aktivitet. Më duhet të ndajë tufën e dhenve në dy tufa vetëm për një neglizhim të autoriteteve. Një herë të vetme kam marrë subvencion në kohë të Berishës sot edhe pse kam 300 krerë krijojnë ec e jake që të jetë e pamundur”, tha ai.

Grida Duma theksoi se fermerit do t’i rikthehet subvencioni i drejtpërdrejt.

“Ne do të rikthejmë subvencionin e drejtpërdrejt për krerë, për dynymë dhe për mjete bujqësore. Nuk do të ketë më me aplikim. Kemi marrë vendim. Vetëm kartë identiteti, pa NIPT, drejtpërdrejt vetëm për njësi, për dynym sa ke, pa aplikim”, tha Duma.