Detaje të reja kanë dalë në dritë në lidhje me vrasjen makabre të çiftit shqiptar nga Vlora. Djali i bashkëshortëve të ndjerë, Shpëtim dhe Teuta Pasho, Taulant Pasho ka dhënë disa detaje të reja që mund të ndihmojnë autoritetet në zbardhjen e kësaj ngjarje të rëndë. Raportohet se gjatë marrjes në pyetje, Taulant Pasho ka thënë se prindërit e tij mbanin me vete një shumë parash që arrinte në disa dhjetëra, mijëra euro, ndërsa thuhet se edhe paratë janë zhdukur në mënyrë misterioze.
33-vjeçari, i dëgjuar në burgun Como ku ai po mbahet për një akuzë tjetër gjithashtu i ka dhënë përgjigje një sërë pyetjeve që i janë bërë në lidhje me ish-të dashurën e tij Elona Kalesha, e cila u hetua me të për vdekjen e çiftit së bashku me vëllanë e saj Denis Kalesha. Ai ka thënë se ka marrë nga Elona Kalesha, disa ditë pas zhdukjes së prindërve të tij një shumë që ai i kishte dhënë asaj hua, që arrinte në disa mijëra euro.
Kujtojmë se eshtrat e çiftit shqiptar u gjetën dhjetorin e kaluar në disa valixhe të braktisura në buzë të një toke ngjitur me burgun Solliçiano, por ende nuk ka një autor të arrestuar.