Në shumë raporte dhe studime ndërkombëtare, Tirana është renditur vazhdimisht si një ndër kryeqytetet me çmimet më të larta të aprtamenteve në Europë dhe rajon. Dhe kjo jo vetëm për qendrën e kryeqytetit, por edhe për zonat periferike. Çmimet e apartamenteve në periferinë e Tiranës janë rritur sërish në muajt e fundit, pasi po vërehet një tendencë e njerëzve që largohen nga qendra për shkak të situatës së krijuar nga Covid. Kërkesa e lartë e apartamenteve në periferi ka bërë që çmimet të rriten me 20% krahasuar me vitin e kaluar.
Gjithashtu edhe në zonat e tjera të kryeqytetit çmimet vijojnë të jenë të pandryshuara. Çmimet në periferi pas digës së liqenit deri në Sauk, nisin nga 1200 euro për metër katror që në momentin e ndërtimit. Nga ana tjetër disa kompani ndërtuese thanë se maksimumi i çmimit të shitjes më parë në këtë zonë ka qenë 850 euro për metër katror. Gjithashtu, në Kinostudio prej disa muajsh ka nisur ndërtimi i një pallati rezidencial dhe çmimi në këtë periudhë është 950 euro për metër, ndërsa pritet të rritet me 1000 euro gjatë muajit janar.