Vrasësi serial që u dënua për vrasjen e një vajze 12-vjeçare dhe 4 grave të tjera ka vdekur nga shkaqe natyrore.
Rodney Alcala, 77-vjeç i cili ishte dënuar me vdekje, ndërroi jetë në një spital pranë burgut shtetëror Corcoran në Kaliforni në orët e para të së shtunës, shkruan BBC. Alcala njihej ndryshe me nofkën “Dating Game Killer” pasi mori pjesë në një shfaqje televizive.
Rodney Alcala u dënua fillimisht në 1980 për rrëmbimin dhe vrasjen e Robin Samsoe, 12 vjeçe në Los Angelos. Dënimi i tij u zbut nga një gjykatë në Kaliforni. Por pas kësaj hetuesit zbuluan prova mjeko-ligjore që lidhnin Alcala me vrasjet e tjera në Kaliforni.
Në gjyqin e vitit 2010, ai u shpall fajtor për vrasjen e Samsoe si dhe katër grave të tjera të moshës midis 18 dhe 32 në vitet midis 1977 dhe 1979.
Në shtator 1978, Alcala mori pjesë në The Dating Game, një shfaqje televizive amerikane në të cilën një grua beqare vinte në pyetje tre burra beqarë të fshehur nga pikëpamja e saj para se të zgjidhte një në bazë të përgjigjeve të tyre. Alcala u zgjodh në fund të shfaqjes, por gruaja më vonë tha se vendosi të mos dilte me të pas një bisede me të në prapaskenë, duke e përshkruar atë si “të mërzitur”.
Në 2012, Alcala u ekstradua në Nju Jork pasi u akuzua për dy vrasje shtesë nga 1971 dhe 1977. Ai u deklarua fajtor dhe u dënua në Neë York me 25 vjet të përjetshme. Zyrtarët e burgut shtetëror të Kalifornisë thanë në një deklaratë të Shtunën se Alcala dyshohej të ishte përfshirë në një numër vrasjesh shtesë.
Nuk u dha detaje të tjera në lidhje me vdekjen e tij. Aktualisht janë rreth 700 të burgosur në burg me vdekje në Kaliforni, por Guvernatori Gavin Neësom ka urdhëruar një moratorium për ekzekutimet.
