Sipas një studimi, 20 përqind e beqarëve nuk kanë qenë kurrë të dashuruar. Nuk ka vërtetë “nevojë për romancë” siç pretendojnë disa njerëz. Megjithatë, situata mund të jetë më e komplikuar. Një arsye është vetëvlerësimi i ulët. Në këtë rast, nuk besoni se dikush mund t’ju dojë, dhe kjo mund t’ju pengojë të doni dikë.
Një arsye tjetër mund të jetë ana perfeksioniste. Nëse keni një ide të qartë se si dëshironi të jetë partneri juaj, kjo bën që mos t’i jepni një shans dikujt që nuk i përshtatet idealit tuaj. Pra, pritshmëritë tuaja të mëdha mund t’ju ndalojnë të bini në dashuri.
Sidoqoftë, mund të jeni duke përjetuar një situatë tjetër që as vetë nuk po e kuptoni, ajo që shpesh i referohemi si “kundër-varësia”. Sjellje të tilla si vështirësia e afrimit me njerëzit, shmangia e marrëdhënieve intime, frika e mos bërjes së gabimeve, përpjekja për të qenë perfekt, janë ndër simptomat e “kundër-varësisë”.
Njerëz të tillë janë shumë të rezervuar në jetën e tyre private dhe kanë nevojë për shumë hapësirë personale. Një tjetër faktor është fëmijëria. Fëmijët që kanë ekspozuar dobësitë e tyre në të kaluarën mund të injorohen ose të përqeshen. Në këtë mënyrë, fëmijët mësojnë se duhet vetëm të duken të fortë dhe të pavarur.
