Ju ndoshta nuk i preferoni aksesorët, ose së paku nuk e shihni unazën si një simbol të domosdoshëm për fejesën/martesën, por sidoqoftë, përderisa jeni në këtë artikull, do të thotë se jeni ndopak kuriozë të dini 5 modelet më ikonike të të gjitha kohërave.
Solitare
Unaza “solitare” është aq ikonike sa edhe emoji i unazës është si ajo. Dizajni është relativisht i thjeshtë, që lejon gurin të fitojë gjithë vëmendjen.
Shumë gurë
Adhurueset e gurëve në unazë e gjejnë veten te forma “multi-stone”, ku përzihen disa gurë për një alternativë elegante.
Aureolë
Unaza “aureolë” është zgjedhja e preferuar e atyre që adhurojnë elegancën. Unaza të tilla karakterizohen nga një gur që rrethohet nga një ose disa rreshta të tjerë me gurë më të vegjël.
Forma e lotit
Shumë gra zgjedhin të mbajnë një unazë me gurin në formën e lotit për shkak se është një dizajn i përshtatshëm për t’u mbajtur në përditshmëri.
Forma ovale
Prerjet e gurit në formë ovale zgjidhen zakonisht për ato që preferojnë një gur të madh.
Burimi : Anabel
