Nuk është sekret që gratë jetojnë më gjatë se burrat. Ky duket si një lajm i mirë për zonjat, por në fakt rezulton se gratë plaken më shpejt se burrat. Dhe nuk është për t’u habitur, zonjat kanë shumë arsye për këtë, nga shtatzënia në menopauzë dhe këtu nuk mbaron lista.
Zbuloni pse burrat arrijnë të qëndrojnë më gjatë të rinj sesa gratë:
Gratë vuajnë nga stresi më shumë se burrat.
Gratë janë më të prirura për çregullime mendore, veçanërisht nëse ato kanë të bëjnë me punën, sipas Dr. Judith Mohring. Përveç kësaj, ndryshimi hormonal është ai që i shpjegon të gjitha. Luhatjet e hormoneve shoqërohen me depresion. Për më tepër, Çrregullimi Afektiv Sezonal prek gratë më shumë sesa burrat. Stresi i vazhdueshëm çon në mënyrë të pashmangshme në plakjen e hershme.
Gratë që kanë lindur plaken më shpejt.
Një studim i kryer në Universitetin George Mason vërtetoi se shtatzënia ju bën të dukeni 11 vite më të vjetra. Puna është që gratë që kanë lindur kanë telomere më të shkurtër se ato që nuk kanë pasur kurrë fëmijë. Sa më i shkurtër të jenë telomeret, aq më të vjetra dukeni. Përveç kësaj, stresi gjatë shtatzënisë nuk është i pazakontë, i cili gjithashtu përshpejton procesin e plakjes.
Lëkura e mashkullit është më e trashë.
Sipas dermatologëve, lëkura e mashkullit është 25% më e trashë se lëkura e femrës. Përqindja mund të ndryshojë nga personi në person, por shifra e përgjithshme mbetet e njëjtë.
Nivelet e testosteronit janë të ndryshme.
Estrogjeni është përgjegjës për një fytyrë rinore femërore ndërsa testosteroni është tipik tek burrat. Nivelet e larta të testosteronit ngadalësojnë plakjen. Edhe pse estrogjeni shërben gjithashtu si një hormon anti-plakje, prodhimi i tij bie më shpejt se ai i testosteronit. Kjo është arsyeja pse gratë janë të parat që bëhen me rrudha.
Menopauza bën të vetën.
Humbja e hormoneve gjatë menopauzës përshpejton procesin e plakjes. Kur gratë kalojnë menopauzën, trupat e tyre pushojnë së prodhuari aq kolagjen sa më parë. Kjo shkakton humbjen e elasticitetit të lëkurës.
