Emilia Clarke ka pranuar publikisht se ka përdorur një aplikacion për të gjetur dashurinë, shkruan “The Sun”.
Aktorja 34-vjeçare ka luajtur rolin e Daenerys Targaryen apo e quajtur ndryshe Khaleesi ne serialin me famë botërore “Game of Thrones”.
Clarke,thuhet se ka krijuar një profil në aplikacionin “Raya”, i cili synon vetëm “të pasurit dhe të famshmit”.
Një burim tha: “Njohjet kanë qenë thuajse të pamundura për shkak të izolimit nga koronavirusi, por disa miq biseduan me Emilia-n për ta bindur që të merrte pjesë në ‘Raya’. Ajo pranoi t’i jepte një shans”.
Mirëpo, një tjetër shtoi: “Së fundmi, ajo e fshiu profilin që kishte, sepse nuk gjeti atë që po shpresonte të gjente”.
Ndoshta historia me Jon Snow e ka goditur më shumë seç mund ta mendonim.
Emilia ka qenë e lidhur me regjisorin e filmit, Charlie McDowell, si dhe me James Franco, Seth MacFarlane.
Aplikacioni ka tërhequr edhe artistë të tjerë, si Sam Smith, Paul Mescal, carol Vorderman dhe Candice Brown.