Kuqezinjtë e Kombëtares nuk ndërrojnë dorë… Këtë paradite në resortin “Tropikal”, ku trajneri Edi Reja ka grumbulluar futbollistët e përzgjedhur prej tij dhe po përgatitet për ndeshjet miqësore ndaj Uellsit dhe Çekisë, ka patur një “mysafir” special.
Berberi fatsjellës kavajs, nuk e ka harruar zakonin, dhe ashtu si edhe herët e tjera, ka qenë në mjediset ku janë grumbulluar futbollistët e Kombëtares, për t’u dhënë atyre mundësinë që në miqësoren e Kardifit më 5 qershor dhe atë të Pragës tri ditë më pas, të dalin në fushën e blertë me një “look” të ri.
Natyrisht, i pari në duart e tij, në atë mjedis të improvizuar si “sallon bukurie” ka hyrë tjajneri i Kombëtares, Edi Reja, për t’u ulur pas tij pastaj edhe futbollistë të tjerë me radhë…
