Kosova ka refuzuar vaksinën kineze nga Shqipëria për të vaksinuar mësuesit me dozat e Sinovac.
Ministri i Shëndetësisë në Kosovë, Arben Vitia, në një deklaratë për media u shpreh se ligjet e Kosovës nuk e lejojnë që vendi të importojë një produkt të paregjistruar në EMA.
“Në në fillim nga kryeministri Edi Rama dhe ministrja Manastirliu kemi pasur një ofertë bujare për personelin shëndetësor në territorin e Shqipërisë. Mirëpo vaksinat erdhën me kontingjentin e parë dhe vaksinimi ndodhi më shpejt në Kosovë. Dhe kam kërkuar nga ta që kjo të mundësohet edhe për mësimdhënësit. Mirëpo për fat të keq numri i vaksinave Pfizer dhe Astrazeneca janë harxhuar në Shqipëri dhe kanë mbetur vetëm ato Sinovac nga Kina, dhe për arsye se në Kosovë ne edhe po të donim na ndalojnë ligjet të importojmë produkte, të cilat nuk janë të regjistruara në EMA, ne nuk e kemi parë të arsyeshme që mësimdhënësit tanë të vaksinohen me vaksina që nuk janë të regjistruara në EMA”, tha Vitia.
