Policia e Kosovës ka vënë në pranga dy shtetas shqiptarë, të cilët janë kapur duke transportuar armë pa leje.
Sipas njoftimit të policisë në pikë kalim e Vërmicës, pas kontrollit të kryer në makinë kanë gjetur të çmontuara nën ulësen e bashkudhëtarit tre armët AK47.
Njoftimi i plotë:
Njësit e anti-kontrabandës së Doganës së Kosovës sot kanë zbuluar të fshehura në një automjet me targa të Shqipërisë armë, respektivisht tre (3) AK-47 të çmontuar.
Gjatë kontrolleve rutinore në pikë kalim e Vërmicës oficerët doganor kanë selektuar këtë automjet për kontroll të detajuar, në automjet gjendeshin dy shtetas të Shqipërisë. Gjatë kontrollit nën ulësen e bashkudhëtarit janë gjetur të çmontuara tre armët AK47.
Personat janë ndaluar si dhe automjeti është kontrolluar në detaje, derisa rasti tutje është përcjell tek Policia e Kosovës për hetime të mëtejme.
