Kryeministri Edi Rama ka zhvilluar një takim elektoral në bashkinë e Belshit dhe më pas është zhvendosur në Cërrik për të kërkuar votën për kryebashkiakun aktual dhe kandidatin e Partisë Socialiste për këtë bashki, Andi Salla, në zgjedhjet e “14 Majit”. Rama ka theksuar se Cërriku ka një bilanc pozitiv pune falë punës së bërë nga Andi Salla në këto 4 vite dhe se ai është “shalqi me provë” dhe “kali” i vetëm që mund të tërheqë karrocën përpara. Kryeministri gjithashtu ka theksuar se vota duhet të jepet për atë që i rri punës kokë dhe e mban vendin e pastër.
Fjala e Ramës:
Faleminderit për mikpritjen. Mikpritje që e kam ndjerë gjithmonë këtu. Ndryshe nga herët e tjera më vjen mirë që ndjehem më i lehtësuar para jush sepse sot kemi një bilanc shumë pozitiv nga puna e bërë, që nga momenti që Bashkinë e Cërrikut, e mori në dorë një djalë si Andi.
Me vjen shumë mirë që në këtë fushatë, në të gjitha ndalesat, është hera e parë që nuk flasim thuajse fare për ujin e pijshëm. Jo se ka mbaruar komplet projekti, por sepse falë punës tonë kemi arritur të përshpejtojmë projektin.
Këtu puna me ujin e pijshëm është vonuar për shkak të atyre që ishin më parë dhe duan të vijnë prap.
Nuk ka ndryshuar Cërriku në të gjithë historikun e vet, se sa ka ndryshuar në këto 4 vite. Më shumë se ndryshimi, i rëndësishëm është shpresa.
Kundërshtarët të gjitha kanë një karakteristike, vijë nga e shkuara, nuk kanë bërë asgjë nga e shkuara dhe vijnë jo për të bërë punë, por për të marrë peng bashkitë për interesa personalë.
I them atyre të djathtëve, kur votoni për kryetarin e bashkisë, votoni për atë që i rri punës kokë dhe e mban vendin e pastër.
Vota duhet që kur të vijnë gocat natën në shpi, mos kenë frikë se i ha ujku rrugëve, se s’ka llampa. Kush do i ndërrojë poçat, këta që i janë fikur poçat më kohë.
Andisi është “shalqi me provë”, dhe këtë e thotë kryekali i Tironës.
Ne nuk jemi më të mirët, por kuaj të tjerë për të tërheq karrocën, nuk keni ku të gjeni. Shyqyr jemi ne se nuk do të kishte më kuaj fare.
