Kjo e hënë ka shënuar 8 raste te reja me Covid në këtë qytet.
Sot Elbasani renditet i dyti pas Tiranës.
Burimet bëjnë me dije se 8 rastet i përkasin kontakteve të mëparshme. Konkretisht kanë rezultuar pozitiv 2 infermiere te materniteti, 2 paciente te shtruara në pavijon, konfirmohet pozitiv edhe bashkëshorti i njërës paciente, si dhe një punonjëse banke e nivelit të dytë, ndërsa 2 të tjerë i takojnë kontakte të rasteve të mëparshme.
Shfaqja e virusit tek reparti i gjinekologjisë ka bërë që një pjesë e stafit të vetëkarantinohet, ofron vetëm shërbimin e urgjencës, ndërsa konsultat janë pezulluar.
Kujtojmë se që nga nisja e pandemisë në qarkun e Elbasanit janë shënuar dy viktima, respektivisht një në Librazhd dhe një tjetër në Elbasan. Aktualisht 24 persona rezultojnë aktivë.
