Publikohet foto e Anton Kelit, 51-vjeçarit që u vra pasditen e sotme me armë zjarri në Rrëshen. Burime bëjnë me dije se Keli ka qenë duke hyrë në qytetin e Rrëshenit dhe kur ka ndaluar makinën.
Në momentin kur ka dalë nga automjeti persona të identifikuar e kanë qëlluar me breshëri automatiku.
Keli është nipi i vëllezërve Gjini. Armando Gjini u ekzekutua vitin e shkuar pranë Katedrales së Rrëshenit. Ndërsa të vëllait Preng Gjini iu bë atentat tre muaj më parë në Tiranë.
Policia ka shkuar menjëherë në vendngjarje dhe po punon për zbardhjen e plotë të rrethanave të saj. Në aksion janë edhe shërbimet e policisë së Lezhës dhe Mirditës dhe FNSH-së për krehjen e zonave duke ngritur disa pika kontrolli me qëllim kapjen e autorit.