Shtetasit shqiptarë që jetojnë në Gjermani do t’u njihet së shpejti patenta e makinave. Ky projektligj do të diskutohet në seancën e Këshillit Federal të Gjermanisë në 11 shkurt. Lajmin e dha politikani shqiptaro-gjerman Besnik Kelmendi, i cili përfaqëson Partinë Kristiandemokrate të Gjermanisë (CDU)
“Ashtu siç ju kam informuar më 6 Janar 2022, mund t’jua them me siguri të plotë se sot zyrtarisht futet në rend ditë për seancën e ardhshme të Bundesratit, më 11 Shkurt 2022 çështja e patentave të shoferëve. Ky është një lajm shumë i mirë për të gjithë bashkëkombasit tanë që jetojnë apo që pretendojnë të zhvendosën në Gjermani”, bëri me dije Kelmendi.
Qeveria gjermane ka dorëzuar në Këshillin Federal në dhjetor të vitit të kaluar projektligjin për njohjen e lejeve të qarkullimit të shoferëve nga Shqipëria pa kryer provimin e teorisë dhe praktikës për kategoritë: A1, A2, A, B, BE, C1, C1E, C, CE, D1, D1E, D dhe DE.
Për kategorinë AM do të kërkohet provim praktik.
Qytetarët nga Kosova që jetojnë në Gjermani dhe kanë automjete do të kërkohet konvertimi pa testime për kategoritë: AM, A1, A2, A, B, BE, C1, C1E, C, CE, D1, D1E, D dhe DE.
