Mbledhja e G7/ Shtetet më të fuqishme në botë do të diskutojnë kërcënimet në rritje në samitin e Londrës

0

Ministrat e jashtëm nga ekonomitë kryesore botërore do të takohen në Londër për takimin e tyre të parë ballë për ballë pas më shumë se dy viteve.

G7 pritet të diskutojë mënyra të reja për grupin për të mbrojtur rregullat ndërkombëtare nga kërcënimet e jashtme.

Sekretari i Jashtëm i Mbretërisë së Bashkuar Dominic Raab do të drejtojë diskutimet mbi krizën në Mianmar, si dhe marrëdhëniet me Rusinë, Kinën dhe Iranin.
Ai tha se kjo mbledhje është një shans për të trajtuar “sfidat e përbashkëta dhe kërcënimet në rritje”.

Grupi G7 – shtatë të ashtuquajturat ekonomi të përparuara në botë – përbëhet nga Britania e Madhe, Kanada, Francë, Gjermani, Itali, Japoni dhe Shtetet e Bashkuara.

Australia, India, Koreja e Jugut dhe Afrika e Jugut janë ftuar gjithashtu si mysafirë në samitin tre-ditor, ndërsa Britania e Madhe përpiqet të thellojë lidhjet me rajonin Indo-Paqësor.

Britania e Madhe, e cila mban presidencën e rradhës së G7, do të presë një samit të udhëheqësve në Cornwall muajin tjetër.

Të hënën, Z. Raab u takua me Sekretarin e Shtetit të SHBA Antony Blinken, i cili po bën vizitën e tij të parë në Londër që kur është emëruar nga Presidenti i SHBA Joe Biden.

Në një konferencë të përbashkët shtypi Britani e Madhe-SHBA pas bisedimeve, sekretari i jashtëm britanik tha se kishte një ndryshim drejt “vendeve të ngjashme” duke punuar më ngushtë së bashku përballë shteteve armiqësore si Rusia dhe Kina.

Ai tha se Londra dhe Uashingtoni qëndronin “krah për krah” për çështje të tilla, ndërsa Z. Blinken tha se SHBA nuk kishin “asnjë aleat më të afërt, asnjë partner më të afërt” sesa Mbretëria e Bashkuar.

Samiti vjen mes kritikave mbi vendimin e Britanisë së Madhe për të shkurtuar shpenzimet e ndihmës jashtë shtetit nga 0.7% të të ardhurave kombëtare në 0.5% – një ulje prej më shumë se 4 miliardë funte.

I pyetur në lidhje me shkurtimet e ndihmave, z. Raab tha se kishte qenë një “vendim i vështirë” por që Britania e Madhe ende kishte hapësirë “të ishte një forcë edhe më e madhe për një botë më të mirë”.

Bisedimet midis G7 do të mbahen gjatë ditës të martën, ndërsa ministrat e jashtëm do të marrin pjesë në një darkë me kombet e ftuar në mbrëmje.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu