Ministria e Shëndetësisë, në përditësimin e të dhënave ditën e sotme, bëri me dije se në qytetin e Gramshit në 24 orët e fundit u konfirmuan katër raste të reja me Covid-19, ndërsa mësohet se ky virus ka depërtuar edhe në institucione të ndryshme shtetërore.
Kështu, mësohet se ditën e sotme është raportuar si i infektuar me Covid-19 Drejtori i Zyrës së Punës Gramsh, Vesel Braho.
Për pasojë, ky institucion është mbyllur, për të penguar përhapjen e mëtejshme të Covid-19.
Ndërkohë, mësohet se pozitive ka rezultuar edhe bashkëshortja e tij, e cila është mësuese.
Në Gramsh kanë rezultuar të infektuar edhe një tjetër mësuese si dhe një polic.
