Kryeministri Edi Rama ka vëzhguar ditën e sotme procesin e vaksinimit të punonjësve të hotelerisë në Durrës.
Ka pasur edhe refuzime nga ana e punonjësve të hotelerisë për të marrë vaksinën, duke thënë se do të preferonin të vaksinoheshin në një moment tjetër.
Qytetarët dhe personeli i punonjësve të sektorit të hotelerisë janë shprehur optimistë pasi me anë të vaksinimit , tashmë mund të vazhdonte procesi i rimëkëmbjes dhe do të ishin më të mbrojtur, jo vetëm ata personalisht por po ashtu edhe turistët.
Kryeministri Rama nuk ka pranuar të prononcohet por është shprehur optimist për nisjen e këtij procesi.
Rreth 450 vaksina do të injektohen tek personeli i hotelerive, ndërsa në total në qytetin e Durrësit duke përfshirë edhe të moshuarit dhe stafet mjekësore apo akademike janë kryer në total rreth 20 mijë vaksinime.
Ndërkohë që targeti ka qenë që në qytetin e Durrësit të kryheshin 70 mijë vaksinime deri më tani. Për këtë fakt, ministrja e Shëndetësisë, Ogerta Manastirliu është shprehur e zhgënjyer duke thënë se priste që të ishin bërë më shumë vaksinime.
Pritet që numri i të vaksinuarve të vijë në rritje pasi procesi vijon pa ndërprerje.
