Norvegjia bëhet vendi i parë në Europë që rikthen kufizimet e lëvizjes me Shqipërinë.
Për shkak të përhapjes së shpejtë dhe problematike të variantit Delta në vendin tonë, Norvegjia heq Shqipërinë nga lista e vendeve të sigurta. Shqiptarët nuk do të lejohen të hyjnë në Norvegji pa iu nënshtruar karantinës dhe testeve për koronavirusin.
Më parë Norvegjia rivendosi kufizimet me Kosovën, ndërsa Moldavinë dhe Kanadanë e hoqi nga lista e vendeve të sigurta. Vendi ynë ditën e djeshme raportoi për një viktimë dhe 534 raste të reja me koronavirus.
