OSSH Elbasan ka reaguar për situatën e krijuar nga era dhe reshjet e dëborës në disa zona të Prrenjasit dhe Librazhdit.
Në një postim në rrjetin social Facebook OSSH Elbasan njofton:
Kushtet e vështira atmosferike me reshje dëbore dhe erë kanë sjellë dëmtime të rrjetit elektrik në zonën e verilindjes së Librazhdit e Prrenjas, sidomos në Stëblevë, Borovë, Rrajcë dhe Qafthanë.
Kolegët e grupit operativ OSSH Librazhd janë në gadishmëri për eleminimin e defekteve dhe rikthimin e energjisë elektrike edhe në zonat më të thella ku kanë hasur vështirësi për të aksesuar.
