Papa Françesku foli nga Selia e Shenjtë për situatën epidemiologjike në të gjithë botën. Ai u shpreh se kujdesi shëndetësor është një detyrim moral për të gjithë, ndonëse vaksina nuk është mjet magjik shërimi.
Në fjalën e tij para ambasadorëve në Selinë e Shenjtë, Papa tha: “Ndarjet ideologjike po i dekurajonin njerëzit që të vaksinoheshin. Shpesh njerëzit janë ndikuar nga ideologjia e momentit, mbështetur edhe tek informacione të pabaza”.
“Vaksinat nuk janë mjet magjik shërimi, por sigurisht që ato përfaqësojnë zgjidhjen më të arsyeshme për parandalimin e sëmundjes’, ka thënë ndër të tjera Papa Françesku.
