Një ngjarje e rëndë ka ndodhur në një spital Covid në Brazil, ku katër pacientë kanë humbur jetën.
Gjatë orëve të para të mëngjesit spitali Covid është përfshirë nga flakët e zjarrit.
Sipas mediave vendase mësohet se flakët u vunë menjëherë nën kontroll nga zjarrfikësit dhe u bë i mundur evakuimi i 35 pacientëve.
“Si rezultat për evakuim total dhe izolim të njësisë së urgjencës, 35 të sëmurë janë transferuar në Urgjencë. Fatëkeqësisht 4 persona kanë ndërruar jetë” njoftojnë autoritetet e Brazilit.
Bashkia e Arakazhu nuk ka dhënë detaje të tjera, ndërkohë që autoritetet po punojnë për zbardhjen e plotë të ngjarjes.
