Një i ri nga Kosova ka përfunduar në spital, pasi është dhunuar nga policia, e cila pretendon se e ka dhunuar gjakovarin, vetëm se ka hyrë me të kuqe dhe nuk iu bind urdhërit të ndalimit. Gjithashtu i lënduar ka mbetur edhe një efektiv policie, i cili ka marrë dëmtime gjatë momentit të arrestimit. Sipas policisë, i riu vetëm është dëmtuar në fytyrë, por Gazeta Sinjali ka konfirmuar se ai ka thyer të paktën tre brinjë.
Në pyetjen e Sinjalit se a është e vërtetë se qytetari ka pasur vetëm gërvishtje në fytyrë, përgjigjja ishte se është e pavërtetë dhe se lëndimet trupore që qytetari ka pësuar nga policët, janë shumëfish më të mëdha.
Autoritetet deklarojnë:
Mund të konfirmoj që hetuesit tanë janë të informuar për rastin dhe janë në vendin e ngjarjes dhe janë duke marrë veprime hetimore, konform autorizimeve ligjore të Inspektoratit Policor. Hetuesit janë ende atje, në Gjakovë.