Policia e Shkodrës ka dhënë informacion zyrtar për ngjarjen e rëndë të ndodhur mbrëmjen e sotme ne fshatin Samrisht, ku një 68-vjeçar vrau aksidentalisht nipin e tij të mitur.
Sipas policia shtetasi Vlash Jakaj qëlloi me armë gjahu nipin e tij 10-vjeç, i cili ndërroi jetë si pasojë e plagëve të rënda. Nga shkrepja e çiftes mbeti i plagosur në dorë edhe vetë 68-vjeçari por ndodhet jashtë rrezikut për jetën.
“Më datë 09.08.2022, rreth orës 21:55, në fshatin Samrisht, Shkodër, nga të dhënat paraprake dyshohet se aksidentalisht duke pastruar çiften, shtetasi Vlash Jakaj, 68 vjec, ka vrarë me armën e gjahut nipin e tij B.J, rreth 10 vjeç. Nga e shtëna aksidentale është plagosur në dorë dhe vetë shtetasi V.J. jashtë rrezikut për jetën”, bën me dije policia.
Në vendngjarje po shkon grupi hetimor, nën drejtimin e Prokurorisë, për kryerjen e veprimeve dhe zbardhjen e plotë të rrethanave të ngjarjes.
